سيره عاشق/ للشاعره سهام سامى

سيره عاشق
***********
أيوه عارفه انك نسيتها
دا بأماره ان قلبك
لسه بيلون حياته
بذكرياتها
و أما تتلكك لنفسك
لما بس تجيب سيرتها
و لا أوضتك اللى شايله
فوق دماغ الحيط صورتها
********
أيوه عارفه انك خلاص
هتحب غيرها
دا بأماره قعدتك عالفيس ساعات
و انت مستنى رساله بس منها
و الفضول ياخدك و يتحول آهات
لما بس تشوفها كاتبة
انها بتسمع نجاة
*****
و السؤال يِفضل يحاوطك
و انت غرقان فى السكات
هى حبت حد غيرى ؟
و لا انا اللى اخترت غلطة
من ما بين كل البنات!
********
هو قلبه كان شاريها
روحه لسه عايشه فيها
حَب يعتز بكرامته
هى عاشت
هو مات
****************
الشاعره / سهام سامى

احسنتي يا استاذه

********
أيوه عارفه انك خلاص
هتحب غيرها
دا بأماره قعدتك عالفيس ساعات
و انت مستنى رساله بس منها
و الفضول ياخدك و يتحول آهات
لما بس تشوفها كاتبة
انها بتسمع نجاة
*****

رائعة تلك الكلمات

سلمت يمناكم

» مليون شيش للشاعره سهام سامى
» نرحب بالأخت سهام سامي الشاعره كمشرف عام على هذا القسم